388               TESTAMENTS ENREGISTRÉS AU PARLEMENT DE PARIS            (628)
nombre souffisant vieignent querir son corps avec iu ou mi des chapel-lains de l'eglise Saint Eustace ou d'autre eglise paroissial où il tres­passera à Paris, pour convoler son corps jusques au dit Sepulcre, aus­quels, m ou im prestres il laisse pour ce faire à chascun u solz Parisis.
Item, il laissa à l'euvre de l'eglise Saint Eustace de Paris xvi solz Parisis.
Item, il laissa au curé de la dicte eglise Saint Eustace, ou cas qu'il consentira que il soit enterré au dit Sepulcre, se consentement y fault, vin solz Parisis.
Item, et ou cas que il trespasseroit en autre parroisse que en celle du dit Saint Eustace et qu'il convendroit avoir le dit congié d'autre curé que du dit Saint Eustace, il ne laisse à icellui curé de Saint Eustace que im solz Parisis.
Item, il voult et ordonna son luminaire de neuf torches, chascune de trois livres, et iiii cierges, chascun de deux livres de cire, et xxvi petiz cierges, c'est assavoir, xui devant et Xin derriere, dont le dit curé de Saint Eustace, ou cellui de la parroisse où il trespassera, quant le dit testateur sera enterré et le service fait et acompli, afin qu'il con­sente les choses dessus dictes, aura la moitié des diz xx vi cierges, et le surplus demourra à la dicte eglise du Sepulcre, et ou cas qu'il ne le consentira, u des diz petiz cierges et n des dictes torches, se autrement n'en est ordonné et composé par les diz executeurs, ausquelx de ce faire le dit testateur se rapporte.
Item, il laissa aux chanoines, vicaires et chapellains de la dicte eglise du Sepulcre, tant pour* venir querir le corps comme pour ce quilz seront tenus de dire commandaces et vigiles à ix pseaulmes et à ix leçons bien et notablement quant il sera apporté ou cuer de la dicte eglise, diront aussi et aideront à dire une notable et haulte messe à dyacre et soubzdyacre pour les Trespassez ou dit cuer où [sera] le corps du dit testateur, et après la dicte haulte messe diront Libera me, Domine, et autre service et oroisons à ce appartenans et acoustu-mées dire, soixante quatre solz Parisis.
Item, il laissa aus diz chanoines, vicaires et chapellains cent livres